孩子的邏輯思維

母親節那個晚上，細M忽然發燒至101.5度，回到家裡給她放了一盤暖水浴，好讓她降溫。幫她擦背時 ……

我：『妳就舒服啦，今天是母親節，反過來是我照顧妳！』
細M：『咁我病咗嘛！』

我：『咁又係，但將來媽媽老了病了，妳會唔會照顧番我呀？』
細M：『嗯 … 我唔知道！』

我：『吓！妳這樣說我會很傷心喎！咁妳即是唔理我啦！』
細M：『我沒這樣說！嗱，我問妳，妳昨天會唔會知道我今天病？妳又會唔會知道明天我甚麼時候會病好？』

我：『是的，我的確無法預測，妳又好似講得好有道理。』
細M：『係啦！不用為明天擔心，妳想得太多，明天的事明天先算啦！』

我：『咪住！但如果妳愛我的話應該唔會唔理我喎，那用等將來才答我？就好似我相信妳將來不會做賊，我現在已經可以肯定啦！』
細M：『啊！是的。其實我都可以肯定我大個後唔會變成男孩子 ……』

我：『就是這樣，除非妳長大後不再錫我啦！』
細M：『好啦！照顧就照顧啦！』

******************

昨天和細M到超市，看到我最討厭的榴槤。

細M：『爸爸上星期六才吃過。』
我：『榴槤真的很臭，而且很「熱氣」，別人常說多吃會很燥的，妳要提爸爸不要趁我不在家而大吃特吃，否則很容易會爆炸的。』

細M：『那為甚麼妳不吃榴槤都經常會爆炸鬧人呢？』
我：『哈！那我幹嘛有時候會動氣？是誰惹的？』

細M：『我現在很忙買緊嘢，唔得閒答妳！』

話未說畢她已經推著車「撇」了。